ისრაელის განცხადებით, საჰაერო თავდასხმა ჯენინში მეჩეთზე მიზნად ისახავდა "გარდაუვალი ტერორისტული თავდასხმის" აღკვეთას

ისრაელი თავდაცვა აცხადებს, რომ კვირას, ადგილობრივი დორით დილით, ავიაიერიში მიიტანეს დასავლეთ სანაპიროზე, ქალაქ ჯენინში მდებარზე მეჩეთზე, რათა აღეკვეთათ "გარდაუვალი ტერორისტული თავდასხმა". 

პალესტინის წითელი ნახევარმთვარის ორგანიზაციამ განაცხადა, რომ ერთი ადამიანი დაიღუპა და რამდენიმე დაშავდა დასავლეთ სანაპიროზე, მეჩეთზე განხორციელებული თავდასხმის შედეგად.

ისრაელის თავდაცვის ძალების სპიკერმა, ვიცე-პოლკოვნიკმა ჯონათან კონრიკუსმა განუცხადა CNN-ს, რომ IDF-ს ჰქონდა ახალი დაზვერვა, რომელიც "ვარაუდობს, რომ გარდაუვალი თავდასხმა ხდებოდა ჰამასის და ისლამური ჯიჰადის ერთობლივი რაზმისგან", მზადებოდა ალ-ანსარ მეჩეთში მიწისქვეშა სამეთაურო ცენტრიდან.

რამდენიმე თვის წინ, ჯენინში მნიშვნელოვანი ბრძოლა იყო დაახლოებით ორი დღის განმავლობაში და კონრიკუსმა თქვა, რომ იქ IDF-ის ოპერაციის დროს, მათ აღმოაჩინეს "ტერორისტული" გვირაბის სისტემა მეჩეთის შიგნით.

IDF-მა და ისრაელის უსაფრთხოების სამსახურმა (ISA) ასევე გაავრცელეს განცხადება შაბათს, რომელიც ადასტურებს გვირაბზე დარტყმას.

"IDF-ისა და ISA-ს ერთობლივი აქტივობისას IDF-მა განახორციელა საჰაერო დარტყმა მიწისქვეშა ტერორისტულ ნაგებობაზე ჯენინის ალ-ანსარ მეჩეთში; მეჩეთი შეიცავდა ჰამასის და ისლამური ჯიჰადის ტერორისტების ტერორისტულ უჯრედს, რომლებიც აწყობდნენ გარდაუვალ ტერაქტს", - ნათქვამია განცხადებაში.

განცხადებაში აღნიშნულია, რომ "ჰამასის" და ისლამური ჯიჰადის ოპერატორები პასუხისმგებელნი იყვნენ რამდენიმე "ტერორისტულ თავდასხმაზე" ბოლო რამდენიმე თვის განმავლობაში და აწყობდნენ ახალ, "გარდაუვალ" თავდასხმას.

განცხადებაში წერია, რომ მეჩეთი გამოიყენებოდა ტერორისტების მიერ, როგორც სამეთაურო ცენტრი თავდასხმების დასაგეგმად და როგორც ბაზა მათი აღსრულებისთვის.