17 ოქტომბრის შემდეგ, ერაყსა და სირიაში აშშ-ის ბაზებს 38-ჯერ დაესხნენ თავს | პენტაგონი
გამოქვეყნდა:
პენტაგონის პრესსპიკერმა პეტ რაიდერმა განაცხადა, რომ 17 ოქტომბერს თავდასხმების დაწყების შემდეგ, ერაყსა და სირიაში აშშ-ის ბაზებზე იერიში 38-ჯერ მიიტანეს.
რაიდერის თქმით, თავდასხმების უმეტესობა რაკეტებითა და დრონებით, სავარაუდოდ, ირანთან დაკავშირებულმა ჯგუფებმა განახორციელეს. მან ასევე აღნიშნა, რომ შედეგად სხვადასხვა სახის დაზიანება, სულ მცირე, 45-მა ამერიკელმა სამხედრომ მიიღო. მათგან 24-ს ტვინის ტრავმული დაზიანებები ჰქონდა.
პენტაგონის პრესსპიკერის განცხადებით, აშშ-ის ახლო აღმოსავლეთში ამჟამად 4 მთავარი მიზანი აქვს:
- რეგიონში აშშ-ის ძალების და მოქალაქეების დაცვა;
- "ჰამასის" დაჯგუფებისგან თავის დასაცავად ისრაელისთვის კრიტიკულად მნიშვნელოვანი უსაფრთხოების დახმარების უზრუნველყოფა;
- მძევლების გათავისუფლებაში ისრაელისთვის დახმარების აღმოჩენა;
- ღაზას ფარგლებს გარეთ კრიზისის გავრცელების თავიდან აცილება.
