პანკისში მამა-შვილზე ძალადობაში ბრალდებულ 2 პირს პატიმრობა, არასრულწლოვანს კი გირაო შეეფარდა. თელავის რაიონულმა სასამართლომ დააკმაყოფილა ბრალდების მხარის შუამდგომლობა და ინციდენტის მონაწილე ორ პირს, აღკვეთის ღონისძიების სახით, პატიმრობა შეუფარდა, არასრულწლოვანი ბრალდებულის მიმართ კი 2000-ლარიანი გირაო გამოიყენა.
პროცესი დახურულ რეჟიმში, 3 საათის განმავლობაში მიმდინარეობდა. საქმეზე წინასასამართლო სხდომა 24 სექტემბერს გაიმართება.
გამოძიება სისხლის სამართლის კოდექსის 126-ე მუხლით მიმდინარეობს.
შეგახსენებთ, ინციდენტი პანკისის ხეობის სოფელ ყვარელწყალში, 8 აგვისტოს მოხდა.
ხალაწანში მცხოვრებმა სამმა პირმა, ყვარელწყალთან მდებარე კაფეში მყოფ მამაკაცსა და მის არასრულწლოვან შვილს, შორტების ჩაცმის გამო, ფიზიკური შეურაცხყოფა მიაყენა.
ავტორი: ია გულიაშვილი