დროებით ოკუპირებული აფხაზეთის ე.წ. შს მინისტრი ამტკიცებს, რომ გულრიფშის რაიონში 7 შეიარაღებულ პირს ეძებენ | გადაკეტილია სოხუმამდე მისასვლელი ყველა გზა
გამოქვეყნდა:
დროებით ოკუპირებულ აფხაზეთში შვიდ შეიარაღებულ პირს ეძებენ. ინფორმაციას რუსული მედია ოკუპირებული აფხაზეთის ე.წ. შინაგან საქმეთა მინისტრ რობერტ კიუტზე დაყრდნობით ავრცელებს.
მისი თქმით, გულრიფშის რაიონში, მთებში ადგილობრივმა მონადირეებმა შეიარაღებული ადამიანების ჯგუფი დაინახეს. მათ ახლა ე.წ. ძალოვანი სტრუქტურები ეძებენ. ე.წ. მინისტრი მონადირეებზე დაყრდნობით ამბობს, რომ შეიარაღებულებს საიდენტიფიკაციო ნიშნები არ გააჩნდათ.
"ისინი უცროური იარაღით იყვნენ შეიარაღებული, სავარაუდოდ M-4 შაშხანები ჰქონდათ, ეცვათ შავი ფორმები, ნიღბები, ჩაფხუტები, კარგად ეკიპირებულები იყვნენ. მათ ჰქონდათ დრონიც, რომელიც ტერიტორიაზე დაფრინავდა", - თქვა კიუტმა და აქვე დასძინა, რომ ამ დროისთვის, სოხუმამდე მისასვლელი ყველა გზა გადაკეტილია.
