დაახლოებით 1 200 დაღუპული | ისრაელმა 7 ოქტომბრის თავდასხმის მსხვერპლთა რაოდენობა დააზუსტა
გამოქვეყნდა:
ისრაელის მთავრობამ 7 ოქტომბერს ჰამასის დარბევისას დაღუპული ადამიანების რაოდენობა დააზუსტა. მთავრობის პრესსამსახურის ინფორმაციით, დაღუპულია დაახლოებით 1 200 ადამიანი.
ბოლო ცნობებით კი, ისრაელის არმიამ ლიბანის ტერიტორიაზე საჰაერო იერიში მიიტანა 5 ჯარისკაცის დაჭრის საპასუხოდ. დარტყმის სამიზნე იყო "ჰეზბოლას" შენობა და საბრძოლო პოზიციები, იარაღის საცავი და დაზვერვის ინფრასტრუქტურა.
ისრაელის არმიის 5 ჯარისკაცი ლიბანის საზღვარზე 10 ნოემბერს დაიჭრა, მათგან ოთხის მდგომარეობა მძიმეა.
