IDF-ის თქმით, იპოვა ნიშნები, რომ ღაზის ბავშვთა საავადმყოფოს სარდაფში "ჰამასის" იარაღი ინახებოდა და ჰყავდათ მძევლები

ისრაელის თავდაცვის ძალებმა (IDF) განაცხადეს, რომ აქვთ მტკიცებულება, რომ ღაზის ქალაქის საავადმყოფოს სარდაფს "ჰამასი" იყენებდა იარაღის დასამალად და მძევლების დასაკავებლადაც. მათ ფოტო და ვიდეო მასალა გაავრცელეს.

"ჰამასი იმალება საავადმყოფოებში. დღეს ჩვენ გავამჟღავნებთ ამას მსოფლიოს წინაშე", - თქვა IDF-ის სპიკერმა კონტრადმირმა დანიელ ჰაგარიმ ღამის პრესკონფერენციაზე.

მან თქვა, რომ "ჰამასის" იარაღი ინახებოდა ღაზაში, რანტისის ბავშვთა საავადმყოფოს ქვეშ. მისივე თქმით, ნახეს ყუმბარები, "თვითმკვლელი ჟილეტები" და სხვა ასაფეთქებელი ნივთიერებები.

"და ჩვენ ასევე აღმოვაჩინეთ ნიშნები, რომლებიც მიუთითებს იმაზე, რომ ჰამასს აქ მძევლები ჰყავდა. ეს ამჟამად ჩვენი გამოძიების ქვეშაა. მაგრამ ჩვენ ასევე გვაქვს დაზვერვა, რომელიც ამას ადასტურებს", - თქვა მან.

მან აჩვენა კადრები, როგორც ჩანს, ელემენტარული საცხოვრებელი ოთახები, მათ შორის პატარა სამზარეულო, ასევე ახლომდებარე გვირაბის შახტი, რომელიც, მისი თქმით, "ჰამასის" საზღვაო ფლოტის უფროსი მეთაურის სახლამდე მიდიოდა.

ჯარებმა იპოვეს მოტოციკლი ცეცხლსასროლი იარაღის კვალით, რომელიც, მისი თქმით, გამოიყენებოდა ღაზაში მძევლების ჩამოსაყვანად ოქტომბერს მოულოდნელი თავდასხმის შემდეგ.

სპიკერმა თქვა, რომ ერთ ოთაში ნახეს სკამი ქალის ხალათით და თოკით ერთ-ერთ ფეხთან.