ნოემბრიდან Georgian Airways თბილისიდან მაჰაჩყალაში იწყებს ფრენებს | მედია
გამოქვეყნდა:
"ეხო კავკაზა" ავრცელებს ინფორმაციას, რომ ქართული ავიაკომპანია Georgian Airways, სავარაუდოდ, თბილისი-მაჰაჩყალა-თბილისის მიმართულებით ფრენებს დაიწყებს. ინფორმაცია რუსეთის ქალაქის აეროპორტის ოფიციალურ ვებგვერდზე გამოჩნდა.
განრიგში აღნიშნულია, რომ რეისები 23 ნოემბრიდან 30 მარტამდე კვირაში სამჯერ - სამშაბათს, ხუთშაბათს და შაბათს შესრულდება.
მედია წერს, რომ მანამდე ბლოგერ ნიკოლაი ლევშიცის "ტელეგრამის არხზე" გავრცელდა ინფორმაცია, რომ Georgian Airways გეგმავს ფრენების განხორციელებას თბილისსა და მაჰაჩყალას, ასევე თბილისსა და სანკტ-პეტერბურგს შორის (10 დეკემბრიდან), ბათუმსა და მოსკოვს შორის (12 დეკემბრიდან) შორის.
კომპანიას და რუსეთის ხელისუფლებას ჯერ აღნიშნულზე განცხადება არ გაუკეთებია.
