საერთაშორისო რესპუბლიკური ინსტიტუტი, (IRI) პოლიტიკური პარტიების რეიტინგებს აქვეყნებს. კვლევის შედეგებში ჩანს, რომ კითხვაზე, რომელ პარტიას მისცემდნენ ხმას, ამ შაბათს რომ არჩევნები ტარდებოდეს, გამოკითხულთა 25% ამბობს, რომ "ქართულ ოცნებას", 13% - "ერთიან ნაციონალურ მოძრაობას", 4% კი პარტიას - "საქართველოსთვის" მისცემდა. აღსანიშნავია, რომ გამოკითხულ მოქალაქეებს პარტიებს შორის თავიანთი პირველი და მეორე არჩევანი უნდა დაეფიქსირებინათ.
კვლევის სრული შედეგები კი ასე გამოიყურება:
ასევე, გამოკითხული რესპონდენტების 18% ამბობს, რომ არ იცის 6% პასუხობს, რომ არჩევნებში მონაწილეობას საერთოდ არ მიიღებდა, 5%-მა კი პასუხის გაცემაზე უარი განაცხადა.
ცნობისთვის, საერთაშორისო რესპუბლიკური ინსტიტუტის (IRI) კვლევა 2023 წლის 14 სექტემბრიდან 14 ოქტობრამდე პერიოდში პირდაპირი გამოკითხვის მეთოდით ჩატარდა. კვლევის ფარგლებში, შემთხვევითობის პრინციპით შერჩეული, ჯამში, საქართველოს 1 200 მოქალაქე გამოიკითხა. საშუალო ცდომილების ზღვარი კი +/- 2.5%-ია.