რუსმა სამხედროებმა დნეპროპეტროვსკის ოლქის ქალაქი ნიკოპოლი დაბომბეს. დაღუპულია ერთი ადამიანი. შსს-ს ინფორმაციით, ქალის ცხედარი ნანგრევების ქვეშ იპოვეს. დაშავებულია ერთი კაცი, რომელიც ნამსხვრევებისგან მიყენებული ჭრილობებით მძიმე მდგომარეობაშია.
ნიკოპოლი დნეპრის ნაპირებზე მდებარეობს. მისი მეორე ნაპირი რუსული ჯარების მიერაა ოკუპირებული და ქალაქი რეგულარულად დაბომბვის ქვეშაა.
