Boeing 777-მა ბორისპოლის აეროპორტიდან ევროპის მიმართულებით ტექნიკური ფრენა შეასრულა
გამოქვეყნდა:
დღეს, კიევის ბორისპოლის საერთაშორისო აეროპორტიდან უკრაინაში ყველაზე დიდი სამგზავრო თვითმფრინავი - Boeing 777-300ER ევროპაში გაფრინდა.
ტექნიკური ფრენა დაახლოებით დილის 9 საათზე შესრულდა. აეროპორტის ინფორმაციით, ფრენა შეესაბამებოდა საავიაციო და ფრენის უსაფრთხოების უმაღლეს სტანდარტებს, საომარი მდგომარეობის შემოღების დროს მოქმედი დირექტივების შესაბამისად. ბორტზე არ იმყოფებოდნენ მგზავრები და არც ტვირთი.
აეროპორტის პრესსამსახურის ცნობით, 2022 წლის 24 თებერვლის შემდეგ, მას მერე რაც უკრაინის საჰაერო სივრცე დაიხურა, თვითმფრინავები მუდმივ ტექნიკურ მომსახურებას გადიან.
მათივე ცნობით, ომის დაწყების შემდეგ, ეს უკვე მეოთხე წარმატებული ფრენაა ბორისპოლიდან.
