ქუთაისის მერის ხელფასი ისევ იზრდება. 5 500 ლარის შემდეგ, იოსებ ხახალეიშვილის ხელფასი მომავალი წლიდან 6 650 ლარი იქნება. ამ თემაზე დასმულმა შეკითხვამ ხახალეიშვილი გააღიზიანა. იმ ქალაქის მერი, საიდანაც მოსახლეობა უპერსპექტივობისა და გაჭირვების გამო გარბის, "მთავარი არხის" იმერეთის ბიუროს კორესპონდენტს ეუბნება, რომ უნდა რცხვენოდეს:
"ამხელა კაცს აღარ გრცხვენია? აღარ უნდა დაამთავრო ეს ინტრიგნობა?" - ასე მიმართა ხახალეიშვილმა ჟურნალისტს.
უარყოფითია მოსახლეობის შეფასებებიც.
