აშშ-მა ერაყში დაჯგუფება "ჰარაკატ ალ-ნუჯაბის" ლიდერი მოკლა

გამოქვეყნდა:

პენტაგონის პრესსპიკერმა პეტ რაიდერმა განაცხადა, რომ ამერიკელმა სამხედროებმა ერაყში მოკლეს ირანის მიერ მხარდაჭერილი ტერორისტული დაჯგუფება "ჰარაკატ ალ-ნუჯაბის" ლიდერი, მუშტაკ ჯავად კაზიმ ალ-ჯავარირაყში მყოფმა ამერიკულმა ძალებმა საჰაერო დარტყმა 4 იანვარს განახორციელეს.

რაიდერის ინფორმაციით, ერაყსა და სირიაში მოქმედი დაჯგუფების მეთაური აქტიურად მონაწილეობდა ამერიკელ სამხედროებზე თავდასხმების დაგეგმვასა და განხორციელებაში. პენტაგონში ასევე აღნიშნეს, რომ იერიში თავდაცვის ფარგლებში განხორციელდა და მშვიდობიანი მოსახლეობა არ დაშავებულა.

ცნობისთვის, ერაყსა და სირიაში მყოფ ამერიკულ კონტინგენტზე თავდასხმები 2023 წლის შემოდგომიდან გახშირდა, ისრაელსა და "ჰამასს" შორის საომარი მოქმედებების დაწყების შემდეგ. შეერთებულმა შტატებმა, რომელიც ამ თავდასხმებში ირანთან კავშირის მქონე დაჯგუფებებს ადანაშაულებს, არაერთი საპასუხო ოპერაცია ჩაატარა.

 

მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი