პარტია "ქართული არჩევანი" აჭარაში საარჩევნო კამპანიას იწყებს. პოლიტიკურმა ორგანიზაციამ ბათუმში დღეს საარჩევნო შტაბი გახსნა. პარტიის ლიდერმა ბეჟან გუნავამ კი მხარდამჭერებს პარლამენტსა და უმაღლეს საბჭოში მაჟორიტარი დეპუტატობის კანდიდატები წარუდგინა.
ხულოს, შუახევის, ქედისა და ხელვაჩაურის გაერთიანებულ ოლქში პარლამენტის მანდატისთვის ბადრი შაინიძე, უმაღლეს საბჭოში მოსახვედრად კი მარად აბულაძე იბრძოლებს. ბათუმში პარლამენტის მაჟორიტარი დეპუტატობის კანდიდატად რუსლან სალაძე, უმაღლეს საბჭოში კი მადონა შაინიძე დაასახელეს.
უახლოეს პერიოდში, პარტია საარჩევნო შტაბს ქობულეთშიც გახსნის და მაჟორიტარი დეპუტატობის კანდიდატებს ქობულეთიდან სწორედ მაშინ დაასახელებს.
ცნობისთვის, ამ დროისთვის არსებული მონაცემებით, ბათუმში მაჟორიტარი დეპუტატობისთვის კენჭს იყრიან:
- რესან კონცელიძე - "ქართული ოცნება";
- იაგო ხვიჩია - "გირჩი";
- ირაკლი კუპრაძე - "ლელო საქართველოსთვის";
- ლევან ვარშალომიძე - "ერთიანი ნაციონალური მოძრაობა".
ხულოს, შუახევის, ქედისა და ხელვაჩაურის გაერთიანებულ ოლქში კი გამარჯვებისთვის იბრძოლებენ:
- ანზორ ბოლქვაძე - "ქართული ოცნება";
- თემურ კახიძე - "ევროპული საქართველო" (ხელვაჩაური)
- ტარიელ ნაკაიძე - "ევროპული საქართველო"; - (ხულო, შუახევი, ქედა)
ავტორი: თეა ვაშალომიძე
