დამატებითი საარჩევნო უბნები ემიგრანტებისთვის | შესაძლოა, საქართველოს მილიონამდე მოქალაქის ხმა ისევ დაიკარგოს
გამოქვეყნდა:
ემიგრანტებს, სავარაუდოდ, არც 2024 წელს მიეცემათ საშუალება, არჩევნებში საკუთარი ხმა დააფიქსირონ. კანონში გაწერილ მუხლებს ხელისუფლება ამ შემთხვევაშიც საკუთარი ინტერესების სასარგებლოდ იყენებს და უკიდურესი აუცილებლობის შემთხვევაშიც კი ქვეყნის ფარგლებს გარეთ მცხოვრები საქართველოს მოქალაქეების მოთხოვნები გათვალისწინებული არც ამ საპარლამენტო არჩევნებზე იქნება.
პროცედურებთან დაკავშირებული დეტალები ცესკოს თავმჯდომარემ ზურა ჯაფარიძის კითხვების პასუხად განმარტა და განაცხადა, რომ დამატებითი უბნები საჭიროების შემთხვევაში ისევ დიპლომატიური წარმომადგენლობის ფარგლებში გაიხსნება, რაც, რეალურად, ემიგრანტების პრობლემას ვერ აგვარებს.
