უკრაინის საჰაერო ძალებმა განაცხადეს, რომ გასულ ღამეს რუსმა ოკუპანტებმა უკრაინის მიმართულებით 8 "შაჰიდის" ტიპის დრონი გაუშვა. უწყება ამბობს, რომ მათ 4 დრონი ჩამოაგდეს.
"28 იანვრის ღამეს მტერმა უკრაინას შეუტია 8 "შაჰიდის" ტიპის უპილოტო საფრენი აპარატით, სამხრეთ-აღმოსავლეთის მიმართულებით. ვორონეჟიდან პოლტავის რეგიონს კი ორი "ისკანდერის" ტიპის რაკეტით...საჰაერო ძალების მობილურმა ჯგუფებმა გაანადგურეს მტრის 8 უპილოტო საფრენი აპარატიდან 4, რომლებიც მტერმა გამოიყენა წინა ხაზზე შეტევისთვის," - ნათქვამია განცხადებაში.
უკრაინის საჰაერო ძალები ასევე ამბობენ, რომ ოკუპანტები თავს დაესხნენ პოლტავის, დონეცკის, ზაპოროჟიესა და დნეპროპეტროვსკის ოლქებში სამოქალაქო და კრიტიკული ინფრასტრუქტურის ობიექტებს. წინასწარი მონაცემებით, თავდასხმას მსხვერპლი არ მოჰყოლია.
