ახალი გაერთიანება ოლიგარქიული რეჟიმის წინააღმდეგ | ნიკა გვარამიას პოლიტიკური გეგმები
გამოქვეყნდა:
აქტიური კონსულტაციები დაწყებულია და კონტურები სულ უფრო მკაფიოა - ნიკა გვარამია პოლიტიკური გეგმების ნაწილზე ხმამაღლა საუბრობს და ყველაზე რეალურ პარტნიორებს ასახელებს. ნიკა მელია, ზურა გირჩი ჯაფარიძე და ელენე ხოშტარია არიან ოპოზიციის ლიდერები, რომლებიც დიდი ალბათობით გვარამიასთან ერთად პოზიციებს გააერთიანებენ - ფორმატთან დაკავშირებით საბოლოო გადაწყვეტილება ჯერჯერობით მიღებული არ არის, თუმცა პლატფორმას ექნება საერთო მიზანი - საპარლამენტო არჩევნებში ხელისუფლების ცვლილება. ამ შესაძლო გაერთიანების სიმძლავრეზე "ქართული ოცნების" რეაქციაც მეტყველებს - მმართველი პარტიის მითითებით სახელისუფლებო მედია ფაქტობრივად ყოველდღიურ რეჟიმში ცდილობს ახალი პლატფორმის გაშავებას.
