აშშ-ში, აიდაჰოს შტატში, აეროპორტში შენობა ჩამოინგრა | არიან დაღუპულები და დაშავებულები
გამოქვეყნდა:
აიდაჰოს შტატის ქალაქ ბოისის აეროპორტში მშენებარე შენობა ჩამოინგრა, შედეგად სამი ადამიანი დაღუპა და 9 დაშავდა. ინფორმაციას უცხოური მედია ავრცელებს.
ქალაქის ხელისუფლების განცხადებით, ინციდენტის შედეგად ცხრა დაშავებულიდან 5 მძიმე მდგომარეობაშია. მათივე თქმით, სამი ადამიანი ადგილზე გარდაიცვალა. ნგრევის ადგილზე მომუშავე სახანძრო ბრიგადებმა რამდენიმე დაშავებული გადაარჩინეს.
"არ ვიცი, რამ გამოიწვია ეს, მაგრამ შემიძლია გითხრათ, რომ ეს იყო საკმაოდ დიდი ნგრევა," - თქვა ბოისის მეხანძრემ აარონ ჰუმელმა ბრიფინგზე.
ოფიციალური პირების განცხადებით, შენობის ნგრევას აეროპორტის მუშაობა არ შეუფერხებია. ქალაქის ხელისუფლებამ, არსებულ ფაქტზე, გამოძიება დაიწყო.
