გავა თუ არა გამოძიება ჭიკაიძის კვალზე? | ქოლ-ცენტრების საქმეზე პროკურატურაში ყოფილი შს მინისტრის გარემოცვის წევრს კითხავენ
გამოქვეყნდა:
გავა თუ არა გამოძიება ალექსანდრე ჭიკაიძის კვალზე? 2 საათზე მეტია ქოლ-ცენტრების საქმეზე გამომძიებლების კითხვებს იოსებ მჭედლიშვილი პასუხობს. პირი, რომელიც შინაგან საქმეთა ყოფილი მინისტრის ნდობით აღჭურვილი კადრია გენერალურ პროკურატურაში უფლებადამცველთან ერთად მივიდა. მჭედლიშვილი იმ კომპანიებს მართავს, რომლებშიც ფინანსურმა პოლიციამ ორი დღის წინ სპეცოპერაცია ჩაატარა. თუმცა მისი სახელი არსად ფიგურირებს და კომპანიები ფიქტიურ პირებზეა გაფორმებული. ყოფილი სამართალდამცავი, უწყებაში ჭიკაიძის მინისტრობის დროს მუშაობდა და მისი გარემოცვის წევრად ითვლება.
