"ჩვენ არ დავთანხმდებით ყველა გარიგებაზე და ნებისმიერ ფასად", - ამის შესახებ თელ-ავივში მთავრობის ყოველკვირეული შეხვედრის დასაწყისში გამოსვლისას, მძევლების გათავისუფლების შესახებ შეთანხმებაზე, ისრაელის პრემიერმინისტრმა, ბენიამინ ნეთანიაჰუმ განაცხადა.
"მინდა მკაფიოდ განვაცხადო ჩვენი პოლიტიკა - მთავარი მიზანი უპირველეს ყოვლისა ჰამასის ლიკვიდაციაა", - განაცხადა ნეთანიაჰუმ.
პრემიერმინისტრის განცხადებით, ისრაელს სამი პირობა დარჩა შესასრულებელი: ჰამასის დარჩენილი ბატალიონის განადგურება, რომელთაგან 24-დან 17 დამარცხებულია; გასუფთავების ოპერაციები, რომელსაც, მისი თქმით, ისრაელის თავდაცვის ძალები ჩრდილოეთ და ცენტრალურ ზოლში დარბევის გზით აკეთებენ; და ჰამასის გვირაბის ქსელის განეიტრალება, "რაც მეტ დროს მოითხოვს".
ნეთანიაჰუს განცხადებით ომი დასრულდება მას შემდეგ, რაც ჰამასი იქნება ლიკვიდირებული, ყველა ისრაელის ტყვე გათავისუფლდება და როცა ღაზა ისრაელისთვის საფრთხე აღარ იქნება.
