რუსთავის გზატკეცილზე, მარკეტში, კორონავირუსის ახალი შემთხვევები დაფიქსირდა
გამოქვეყნდა:
კორონავირუსის ახალი შემთხვევები რუსთავის გზატკეცილზე მდებარე ერთ-ერთ მაღაზიაშიც დაფიქსირდა. ამის შესახებ ინფორმაცია "მთავარს" დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მიაწოდა.
დეტალებთან დაკავშირებით ის არ საუბრობს და გვეუბნება მხოლოდ იმას, რომ: "ყველა ზომა მიღებული აქვთ".
გარდა ამ შემთხვევისა, კორონავირუსის შემთხვევები დაფიქსირდა თბილისში ვაჟა-ფშაველას გამზირზე,სამედიცინო უნივერსიტეტთან მდებარე მაღაზია „ნიკორაში“.
2 სექტემბრის მონაცემებით საქართველოში:
- კორონავირუსით ინფიცირებულია - 1 548
- გამოჯანმრთელებულია - 1 270
- მათ შორის გარდაცვლილია - 19
- კარანტინის რეჟიმში რჩება - 6059
- სტაციონარში მეთვალყურეობის ქვეშ - 239, მათ შორის საქართველოში სამკურნალოდ გადმოყვანილია - 41 პაციენტი.
