გვახსოვს "შალიკოს ფანჩატური", არ ვიცი რა, მაგრამ დღეს სალომეს რაღაც იქნება | კალაძე პრეზიდენტთან კონსულტაციებზე
გამოქვეყნდა:
"ქართული ოცნების" გენერალური მდივანი, კახი კალაძე პრეზიდენტ სალომე ზურაბიშვილსა და ოპოზიციური პარტიების წარმომადგენლებს შორის მიმდინარე კონსულტაციებთან დაკავშირებით აცხადებს, რომ "ეს ფილმი უკვე ნანახი აქვთ".
კალაძე ისევ ოპონენტებს აკრიტიკებს და ამბობს, რომ მათ პოლიტიკაში მომავალი არ აქვთ.
"ეს ფილმი უკვე ნანახი გვაქვს, ამაში სიახლე არაფერია. გვახსოვს „შალიკოს ფანჩატური“, არ ვიცი რა, მაგრამ დღეს სალომეს რაღაც იქნება. ეს ყველაფერი არაერთხელ გვინახავს. კიდევ ერთხელ ვიმეორებ: ესენი უსამშობლო ადამიანები არიან და ამ ქვეყნის მიმართ არანაირი სიყვარული არ გააჩნიათ. როგორ შეიძლება გიყვარდეს ქვეყანა და ხალხს აკადრებდე იმას, რასაც ცხრა წლის განმავლობაში აკეთებდნენ? შეიძლება სხვა მიმართულებით რაღაც გააკეთონ, მაგრამ ამ ადამიანებს პოლიტიკაში არანაირი მომავალი არ აქვთ, რადგან რადიკალიზმი ყოველთვის განწირულია მარცხისთვის. სალომე ზურაბიშვილი არ იყო, რომ გამოდიოდა და ამბობდა, ქვეყანა არ იმსახურებს სტატუსსო? თუ დაგვავიწყდა? რამეს ხომ არ ვიგონებ, ეს ხომ მისი სიტყვებია?" - განაცხადა კახა კალაძემ.
