ბელგოროდში ჩამოვარდნილ ილ-76-ში უკრაინელი სამხედრო ტყვეები არ ყოფილან | დანილოვი
გამოქვეყნდა:
უკრაინის უშიშროებისა და თავდაცვის საბჭოს მდივანმა, ოლექსი დანილოვმა Babel-თან ინტერვიუში განაცხადა, რომ ბელგოროდის მახლობლად ჩამოვარდნილ ილ-76-ში უკრაინელი სამხედრო ტყვეები არ ყოფილან.
"იყვნენ თუ არა იქ სამხედრო ტყვეები? ზუსტად შემიძლია გითხრათ, რომ არა" - თქვა დანილოვმა.
მისივე თქმით, თვითმფრინავში რომ სამხედრო ტყვეები ყოფილიყვნენ, კატასტროფის ადგილას მეტი "ბიოლოგიური მასალა" იქნებოდა.
შეგახსენებთ, რომ ავიაკატასტროფა 24 იანვარს მოხდა. რუსეთი ამტკიცებს, რომ ილ-76-ის ბორტზე 65 უკრაინელი ტყვე იმყოფებოდა, რომლებიც უნდა გაეცვალათ. მათივე მტკიცებით, თვითმფრინავიც უკრაინამ ჩამოაგდო. თუმცა, უკრაინა ბრალდებებსა და რუსულ პროპაგანდისტულ ინფორმაციებს არ ადასტურებს. უშიშროების სამსახურმა მომხდარზე გამოძიება დაიწყო.
