რუსულმა ძალებმა სუმში საცხოვრებელი კვარტალი დაბომბეს | არიან დაღუპულები და დაშავებულები
გამოქვეყნდა:
სუმის რეგიონული სამხედრო ადმინისტრაციის ინფორმაციით, რუსებმა სუმის რეგიონში საცხოვრებელი კვარტალი დაბომბეს.
იერიშის შედეგად დაიღუპა 3 და დაშავდა 4 მშვიდობიანი მოქალაქე.
"წინასწარი ინფორმაციით, დაიღუპა 3 ადამიანი, დაშავდა 4. ნანგრევების გაწმენდა გრძელდება. ადგილზე ყველა საჭირო სერვისი მუშაობს" - ნათქვამია ცნობაში.
თავდასხმის შედეგად განადგურდა საცხოვრებელი კორპუსები. არ არის გამორიცხული ნანგრევებში ადამიანები მოყოლილიყვნენ.
