კობახიძე ქედაში, სტიქიის სალიკვიდაციო სამუშაოებს გაეცნო და დაღუპული პოლიციელის ოჯახს მიუსამძიმრა
გამოქვეყნდა:
პრემიერი კობახიძე ქედის მუნიციპალიტეტის სოფელ პირველ მაისში სტიქიის სალიკვიდაციო სამუშაოებს გაეცნო. ის გარდაცვლილი პოლიციელის - თემურ ბარამიძის ოჯახშიც მივიდა და ოჯახის წევრებს მიუსამძიმრა.
ირაკლი კობახიძესთან ერთად ქედის მუნიციპალიტეტში საქართველოს რეგიონული განვითარებისა და ინფრასტრუქტურის მინისტრი ირაკლი ქარსელაძე, საქართველოს გარემოს დაცვისა და სოფლის მეურნეობის მინისტრი ოთარ შამუგია, საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე და ადგილობრივი ხელისუფლების წარმომადგენლები იმყოფებოდნენ.
შეგახსენებთ, 6 თებერვალს, ქედაში მეწყერს აჭარის პოლიციის დეპარტამენტის ქედის რაიონული სამმართველოს უბნის უმცროსი ინსპექტორი თემურ ბარამიძე ემსხვერპლა.
