თეთრი სახლის მრჩეველმა ეროვნული უსაფრთხოების საკითხებში, ჯეიკ სალივანმა განაცხადა, რომ მან უკვე დანიშნა საიდუმლო შეხვედრა კონგრესის ხელმძღვანელობასთან, ვიდრე პალატის უმაღლესი რესპუბლიკელი წარმომადგენელი პრეზიდენტ ბაიდენს ყველა ინფორმაციის გასაიდუმლოებას მოსთხოვდა, რომელიც "ეროვნული უსაფრთხოების სერიოზულ საფრთხეს" ეხება.
სალივანმა უარი თქვა დამატებითი დეტალების გავრცელებაზე და განაცხადა, რომ "ამერიკელებს ესმით, რომ მსოფლიოში არსებობს მთელი რიგი საფრთხეები და გამოწვევები, რომლებთანაც ყოველდღიურად აქვთ საქმე", როგორიცაა ტერორიზმი.
"დარწმუნებული ვარ, პრეზიდენტი ბაიდენის გადაწყვეტილებებით, რომლებსაც ის იღებს, უზრუნველყოფს ამერიკელი ხალხის უსაფრთხოებას", - თქვა სალივანმა.
მანამდე პარლამენტის დაზვერვის კომიტეტის თავმჯდომარემ, პარლამენტის წევრმა მაიკ ტენერმა განაცხადა, რომ "მისმა პანელმა "კონგრესის ყველა წევრისთვის ხელმისაწვდომი გახადა ინფორმაცია ეროვნული უსაფრთხოების სერიოზულ საფრთხესთან დაკავშირებით".
"მე მოვითხოვ, რომ პრეზიდენტმა ბაიდენმა გაასაიდუმლოოს ამ საფრთხესთან დაკავშირებული ყველა ინფორმაცია, რათა კონგრესმა, ადმინისტრაციამ და ჩვენმა მოკავშირეებმა ღიად განიხილონ ამ საფრთხის საპასუხოდ საჭირო ქმედებები", - თქვა ტერნერმა.
ABC News-ის მიერ მოპოვებულ წერილში, რომელიც კონგრესის წევრებს აშშ-ის წარმომადგენელთა პალატის დაზვერვის კომიტეტის ორი მთავარი დეპუტატისგან გაეგზავნათ, ნათქვამია, რომ საფრთხე დაკავშირებულია "დესტაბილიზირებულ უცხოურ სამხედრო შესაძლებლობებთან, რომელიც უნდა იცოდეს კონგრესის ყველა პოლიტიკის შემქმნელმა". ჯეიკ სალივანმა თეთრ სახლში გამართულ ბრიფინგზე განაცხადა, რომ დეპუტატებთან შეხვედრას აპირებდა.
"ამ კვირის დასაწყისში მივმართე "რვიანის ბანდას" [გულისხმობს ორივე პარტიის ლიდერებს კონგრესის ორივე პალატაში], შევთავაზე პირადი ბრიფინგი... და ფაქტობრივად, ჩვენ დავნიშნეთ ბრიფინგი ხვალ... ასე რომ, მე ცოტა გამიკვირდა, რომ კონგრესმენი ტენერი დღეს გამოვიდა", - თქვა მან.
მან ასევე განაცხადა, რომ თეთრი სახლი უფრო შორს წავიდა და უფრო კრეატიული და სტრატეგიული გზებით განიხილა დაზვერვის დეკლასიფიცირება აშშ-ის ეროვნული ინტერესებიდან გამომდინარე, ვიდრე ნებისმიერი ადმინისტრაცია ისტორიაში.
