ისრაელის თავდაცვის ძალებმა (IDF) ოთხშაბათს განაცხადეს, რომ სასიკვდილო თავდასხმის საპასუხოდ დაარტყეს "ჰეზბოლას" სამიზნეებს ლიბანში.
ღამით, IDF-მა განაცხადა, რომ ჩრდილოეთ ისრაელში ბაზა ლიბანის ტერიტორიიდან გაშვებული რაკეტების სამიზნე გახდა. ხელისუფლებისა და სასწრაფო დახმარების სამსახურის ცნობით, თავდასხმის შედეგად დაიღუპა ისრაელი ჯარისკაცი და დაშავდა სულ მცირე რვა ადამიანი.
"ჰეზბოლას", ირანის მიერ მხარდაჭერილ შეიარაღებულ დაჯგუფებას, თავდასხმაზე პასუხისმგებლობა არ აუღია.
ლიბანის სახელმწიფო მედია და "ჰეზბოლას" საკუთრებაში არსებული მედია იტყობინება საჰაერო თავდასხმების შესახებ სამხრეთ ლიბანის რამდენიმე ქალაქში.
ლიბანში დარტყმები ხდება მაშინ, როდესაც პალესტინელები რაფაჰში პანიკაში არიან, რადგან მოსახლეობამ არ იცის დატოვოს ღაზის სექტორის ეს ნაწილიც, რომელიც ამჟამად მათი თავშესაფარია ამ მიწაზე, თუ დარჩეს, რადგან ისრაელი თავდასხმებს ახორციელებს.
უსაფრთხოების ძალების წყაროები ამბობენ, რომ მინიმუმ 7 მშვიდობიანი მოქალაქე დაიღუპა ლიბანში ისრაელის თავდასხმების შედეგად. ქალი და ორი ბავშვი დაღუპულია სუანეში, ხოლო ოჯახის სულ მცირე ოთხი წევრი ნაბატიეში.
დაჯგუფების თქმით, სულ მცირე ორი მებრძოლი ასევე დაიღუპა სამხრეთ ლიბანში თავდასხმების დროს.
