აშშ-მა იემენის რაიონში, რომელსაც ირანის მიერ მხარდაჭერილი "ჰუთების მილიცია" აკონტროლებს, ხუთი თავდაცვითი დარტყმა განახორციელა. ამის შესახებ ინფორმაციას აშშ-ის ცენტრალური სარდლობა ავრცელებს.
"17 თებერვალს, 15:00 საათიდან 20:00-მდე, CENTCOM-მა წარმატებით განახორციელა ხუთი თავდაცვითი დარტყმა, სამი მოძრავი ხომალდსაწინააღმდეგო საკრუიზო რაკეტის, ერთი უპილოტო წყალქვეშა გემის (UUV) და ერთი უპილოტო ზედაპირული ხომალდის (USV) წინააღმდეგ ირანის მიერ მხარდაჭერილ "ჰუთების" მიერ კონტროლირებად იემენის რაიონებში. ეს არის პირველი დაფიქსირებული "ჰუთების" მიერ UUV-ის გამოყენება მას შემდეგ, რაც თავდასხმები დაიწყო 23 ოქტომბერს.
CENTCOM-მა დაადგინა გემსაწინააღმდეგო საკრუიზო რაკეტები, უპილოტო წყალქვეშა ხომალდი და უპილოტო ზედაპირული ხომალდი იემენის "ჰუთების" მიერ კონტროლირებად რაიონებში და დაადგინა, რომ ისინი წარმოადგენდნენ გარდაუვალ საფრთხეს რეგიონში აშშ-ის საზღვაო ძალების გემებისა და სავაჭრო გემებისთვის. ეს ქმედებები დაიცავს ნაოსნობის თავისუფლებას და გახდის საერთაშორისო წყლებს უფრო უსაფრთხოს აშშ-ის საზღვაო ძალებისა და სავაჭრო გემებისთვის", - წერია CENTCOM-ის განცხადებაში.
