აშშ-ის პრეზიდენტმა, ჯო ბაიდენმა რუსეთის პრეზიდენტ ვლადიმერ პუტინს გიჟი SOB-ი (son of bitch) უწოდა.
განცხადება ბაიდენმა სან-ფრანცისკოში, საარჩევნო კამპანიის დროს, სიტყვით გამოსვლისას გააკეთა. ბაიდენმა პუტინი და სხვა პოლიტიკოსები ახსენა, რომლებიც მსოფლიოს ბირთვული იარაღით ემუქრებიან.
"დიახ, ჩვენ გვყავს ისეთი გიჟი SOB-ი, როგორიცაა პუტინი და სხვები და ყოველთვის უნდა ვიფიქროთ ბირთვულ კონფლიქტზე, მაგრამ კაცობრიობის ეგზისტენციალური საფრთხე კლიმატია", - თქვა ბაიდენმა.
სიტყვით გამოსვლისას ბაიდენმა პირდაპირ დაადანაშაულა პუტინი ოპოზიციონერი პოლიტიკოსის ალექსეი ნავალნის სიკვდილში და გააკრიტიკა დონალდ ტრამპი, რომელიც თავს არიდებს პუტინის ხსენებას დანაშაულის საპასუხოდ.
