CPJ: "რუსეთის ხელისუფლებამ უნდა შეწყვიტოს რადიო თავისუფლების შევიწროება"

"რუსეთის ხელისუფლებამ უნდა შეწყვიტოს აშშ-ის კონგრესის მიერ დაფინანსებული მაუწყებლის, რადიო თავისუფალი ევროპა/რადიო თავისუფლების შევიწროება და შეწყვიტოს მედიასაშუალებების მუშაობაში ხელის შეშლა", - ამის შესახებ ჟურნალისტთა დაცვის კომიტეტმა [CPJ] განაცხადა.

"რუსეთის ხელისუფლების სწრაფვა რადიო თავისუფალი ევროპას/რადიო თავისუფლების დევნაზე ღრმაა, მაგრამ ასევე ღრმაა გამოცემის ვალდებულება მიუკერძოებელი ინფორმაციის მიწოდებაზე რუსი ხალხისთვის... რუსეთის ხელისუფლებამ დაუყოვნებლივ უნდა გააუქმოს კანონმდებლობა "არასასურველი" ორგანიზაციების შესახებ და შეწყვიტოს ნებისმიერი გაშუქების აკრძალვა, რომელიც ეწინააღმდეგება მთავრობის ნარატივს", - განაცხადა CPJ-ის ევროპისა და ცენტრალური აზიის პროგრამის კოორდინატორმა, გულნოზა საიდმა.

"არასასურველად" გამოცხადებულ ორგანიზაციებს და ყველას ვინც ამ ორგანიზაციაში მუშაობს, რუსეთში მუშაობა ეკრძალებათ. აღნიშვნა ასევე დანაშაულად აქცევს გამოცემის შინაარსის გავრცელებას ან მისთვის შემოწირულების გაღებას რუსეთის შიგნიდან ან გარედან.

"ეს მხოლოდ უახლესი მაგალითია იმისა, თუ როგორ განიხილავს რუსეთის მთავრობა ამ ტიპის სინამდვილეს, როგორც ეგზისტენციალურ საფრთხეს და ეს მართლაც საგანგაშოა", - თქვა "რადიო თავისუფლების" პრეზიდენტმა, სტივენ კაპუსმა.

CPJ-მ კომენტარისთვის ელ-ფოსტით მიმართა რუსეთის იუსტიციის სამინისტროს, მაგრამ პასუხი არ მიუღია.

რუსეთის იუსტიციის სამინისტრომ რადიო თავისუფლება "არასასურველი" ორგანიზაციების რეესტრში სამშაბათს დაამატა.