ბელარუსის ცესკოს ცნობით, არჩევნებზე ამომრჩეველთა აქტივობამ 72.98% შეადგინა - როგორც ადგილობრივი გამოცემა Belta ცესკოს თავმჯდომარე იგორ კარპენკოზე დაყრდნობით წერს, აქტივობა ოლქების მიხედვით ასე გამოიყურება:
- ბრესტის ოლქი - 75,82%,
- ვიტებსკის ოლქი - 74,74%,
- გომელის რაიონი - 75,85%,
- გროდნოს ოლქი - 76,90%,
- მინსკის ოლქი - 74,20%,
- მოგილევის ოლქი - 77,03%,
- ქ. მინსკი - 61,54%.
ამ დროისთვის უცნობია, როგორ ნაწილდება ამომრჩეველთა ხმები.
შეგახსენებთ, რომ ბელარუსის მოსახლეობა მე-8 მოწვევის პარლამენტისთვის 110 დეპუტატსა და ადგილობრივი საბჭოების წევრებს ირჩევს. უმრავლესობის მოსაპოვებლად 56 მანდატია საჭირო.
არჩევნებში ოთხი პარტია მონაწილეობდა: კომუნისტური, ლიბერალ-დემოკრატიული, შრომისა და სამართლიანობის რესპუბლიკური პარტია და ბელაია რუს.
ქვეყნის მასშტაბით 5 411 საარჩევნო უბანი იყო გახსნილი, რეგისტრირებული ამომრჩევლების რაოდენობამ კი 6.9 მილიონი შეადგინა.
იხილეთ ასევე:
