ხერსონის რეგიონული სამხედრო ადმინისტრაციის ხელმძღვანელის, ალექსანდრ პროკუდინის განცხადებით, გასულ 24 საათში, რუსმა ოკუპანტებმა ხერსონის ოლქის 20 დასახლება დაბომბეს. თავდასხმების შედეგად დაიღუპა ერთი და დაშავდა 2 მოქალაქე.
დაზიანდა 50-ზე მეტი სახლი, ადმინისტრაციული შენობები, სასოფლო-სამეურნეო საწარმოები, კანალიზაციის გამწმენდი ნაგებობები, კრიტიკული ინფრასტრუქტურის ობიექტი.
პროკუდინის განცხადებით, რუსმა სამხედროებმა დაარტყეს რეგიონის დასახლებული პუნქტების საცხოვრებელ უბნებს, კერძოდ, დაზიანდა 12 მაღალსართულიანი კორპუსი და 40 კერძო სახლი.
