კობახიძე მინისტრთა კაბინეტს ღარიბაშვილის კადრებისგან წმენდს | ვინ იქნება აზარაშვილის შემდეგ?
გამოქვეყნდა:
ღია დაპირისპირება კლანებს შორის - პრემიერი კობახიძე მინისტრთა კაბინეტს ღარიბაშვილის კადრებისგან ასუფთავებს. წმენდა "ქართული ოცნების" მთავრობაში რომ მასშტაბური და საფუძვლიანი იქნება ეს დღევანდელი გადაწყვეტილებიდანაც ცხადია. ჯანდაცვის მინისტრი, ადმინისტრაციისა და რეგიონებთან ურთიერთობის დეპარტამენტის ხელმძღვანელები - და ეს მხოლოდ დასაწყისია, ირაკლი კობახიძე არ მალავს რომ ცვლილებები მთავრობაში გაგრძელდება და სავარაუდოდ ყოფილი პრემიერის გარემოცვას სრულად მოიცავს. გავრცელებული ინფორმაციით ცვლილებების მომდევნო ეტაპზე საგარეო და იუსტიციის მინისტრები ჩანაცვლდებიან.
