არანაირი ღარიბაშვილის, კალაძის, კობახიძის, პეტრეს და პავლეს კადრები არ არსებობს, არსებობს „ქართული ოცნების“ კადრები | კალაძე
გამოქვეყნდა:
"არანაირი ღარიბაშვილის, კალაძის, კობახიძის, პეტრეს და პავლეს კადრები არ არსებობს, არსებობს „ქართული ოცნების“ კადრები“ - ასე უპასუხა თბილისის მერმა შეკითხვას, რომლის თანახმადაც მთავრობის ადმინისტრაციაში ღარიბაშვილის კადრების წმენდა დაიწყო.
რაც შეეხება სამთავრობო ცვლილებებს, თბილისის მერი ამბობს, რომ ეს ჩვეულებრივი პროცესია და გადაწყვეტილებას პრემიერ-მინისტრი იღებს.
„ირაკლი კობახიძე იღებს გადაწყვეტილებას, თუ ვინ დაინიშნოს, რა ცვლილებები განხორციელდეს. მან იცის ყველაზე უკეთესად, თუ რა უნდა გაკეთდეს მინისტრთა კაბინეტსა და მთავრობაში“, - განაცხადა კალაძემ.
შეგახსენებთ, კობახიძემ გასულ კვირას თანამდებობიდან მოხსნა ჯანდაცვის მინისტრი, ასევე მთავრობის ადმინისტრაციის უფროსი, რეგიონებთან ურთიერთობის ხელმძღვანელი და სსიპ საგანმანათლებლო და სამეცნიერო ინფრასტრუქტურის განვითარების სააგენტო დირექტორი.
