გერმანიაში მოხუცთა თავშესაფარში ხანძარს 4 ადამიანი ემსხვერპლა | არიან დაშავებულებიც
გამოქვეყნდა:
დასავლეთ გერმანიაში, მოხუცთა თავშესაფარში გაჩენილ ხანძარს სულ მცირე ოთხი ადამიანი ემსხვერპლა, 21-მდე კი დაშავდა.
ინციდენტი ბედბურგ-ჰაუში, ჩრდილოეთ რაინ-ვესტფალიაში მოხდა. თავშესაფრიდან 46 მაცხოვრებელი უკვე ევაკუირებულია - ისინი შესაძლო დაზიანებებისთვის სამედიცინო შემოწმებას საჭიროებენ.
პოლიციის ცნობით, შემთხვევის ადგილას დაშავდნენ მეხანძრე და მაშველი, ისინი საავადმყოფოში გადაიყვანეს. ხანძარი უკვე ლიკვიდირებულია, თუმცა მეხანძრე-მაშველები შემთხვევის ადგილას ამ დრომდე მუშაობენ.
ხანძრის გამომწევ მიზეზებზე გამოძიება მიმდინარეობს.
