ამნისტიის კანონპროექტის განხილვა გადაიდო | ოპოზიცია "ოცნებას" საკუთარი ინტერესებით მოქმედებაში ადანაშაულებს
გამოქვეყნდა:
"გირჩის" ინიციატივის განხილვა ამნისტიის კანონპროექტთან დაკავშირებით გაურკვეველი ვადით გადაიდო. მმართველი უმრავლესობის მიერ პროცესის გაჭიანურებას "ქართული ოცნების" პოლიტიკური ოპონენტები ხელისუფლების ინტერესებს უკავშირებენ. პირველი რიგში, ოპოზიციის შეფასებით, ეს წინასაარჩევნოდ ხმების მობილიზებას უკავშირდება და დიდი ალბათობით ივანიშილის გუნდი "გირჩის" პროექტს საკუთარ ინიციტივას დაუპირისპირებს, რომელიც ხელისუფლების ინტერესებზე იქნება მორგებული.
