"განრისხებული, პოლარიზებული და სიძულვილით სავსე გამოსვლა" | ტრამპი ბაიდენის მიმართვაზე
გამოქვეყნდა:
"განრისხებული, პოლარიზებული და სიძულვილით სავსე გამოსვლა", - ასე გამოეხმაურა ჯო ბაიდენის განცხადებას დონალდ ტრამპი. თეთრი სახლის ყოფილი ლიდერი აშშ-ის მოქმედ პრეზიდენტის მიმართვას "მრისხანე გამოსვლას" უწოდებს.
ტრამპის განცხადებით, ბაიდენს სურს, შეერთებული შტატები მიგრანტებით გაივსოს. ყოფილმა პრეზიდენტმა მოქმედ პრეზიდენტს კრემლის ლიდერისა და ირანის მიმართ პოზიციის გამო გააკრიტიკა.
"ეს იყო განრისხებული, პოლარიზებული და სიძულვილით სავსე გამოსვლა. მას სურს, რომ ჩვენი ქვეყანა მიგრანტებით გაივსოს. დანაშაული გაიზრდება იმ დონემდე, რომელიც აქამდე არ გვინახავს და ეს ძალიან სწრაფად მოხდება. ჯო ბაიდენი გაურბის საკუთარ წარსულს და იტყუება, რათა თავიდან აიცილოს პასუხისმგებლობა იმ საშინელი ნგრევისთვის, რომელიც მან და მისმა პარტიამ მოუტანა ქვეყანას. ამავე დროს, ისინი აგრძელებენ თავიანთ პოლიტიკას, და ჩვენ, როგორც სახელმწიფო, ამას ვერ მოვითმენთ", - ამბობს ტრამპი.
