რუსეთის ფედერაციის უშიშროების ფედერალური სამსახურის [ФСБ] თანამშრომლებმა ყაზახეთის ორი მოქალაქე მოკლეს. რუსული სპეცსამსახურის მტკიცებით, ისინი მოსკოვში სინაგოგაზე თავდასხმას გეგმავდნენ. 7 მარტის ანგარიშში აღნიშნულია, რომ ეჭვმიტანილებმა დაკავებისას შეიარაღებული წინააღმდეგობა გაუწიეს სამართალდამცველებს. გამოცემა Astra იუწყება, რომ სპეცოპერაცია მოსკოვის ოლქის საზღვართან მდებარე სოფელ კორიაკოვოში ჩატარდა. მათივე ცნობით, მოკლულები არიან 35 და 32 წლის პირები.
დღეს კი ყაზახეთის ეროვნული უშიშროების კომიტეტმა განაცხადა, რომ რუსეთში ტერორიზმში ეჭვმიტანილი ორი მოქალაქის მკვლელობის გამოძიება რუსულ ФСБ-სთან ერთად დაიწყო.
