საგარეო საქმეთა სამინისტროს ცნობით, 2024 წლის 12-13 მარტს, მინისტრი ილია დარჩიაშვილი ოფიციალური ვიზიტით ფინეთის რესპუბლიკას ეწვევა.
ვიზიტის ფარგლებში, ის შეხვდება ფინეთის რესპუბლიკის პრეზიდენტს, ალექსანდერ შტუბს, მის კოლეგას - ელინა ვალტონენს, როგორც პირისპირ ასევე გაფართოებულ ფორმატში.
ილია დარჩიაშვილი ასევე შეხვდება ფინეთის რესპუბლიკის ევროპულ საქმეთა მინისტრს, ანდერს ადლერკროიცს, ევროკავშირის საკითხებში ფინეთის პარლამენტის დიდი კომიტეტის წარმომადგენლებს და ფინეთის პარლამენტის მმართველი პარტიის ფრაქციის თავმჯდომარეს, საქართველოსთან მეგობრობის ჯგუფის ხელმძღვანელს - მატიას მარტინენს.
"შეხვედრებზე განხილული იქნება საქართველოსა და ფინეთს შორის არსებული ურთიერთობები როგორც ორმხრივ, ასევე მრავალმხრივ დონეზე, ყურადღება გამახვილდება თანამშრომლობის განვითარების პერსპექტივებზე. საუბარი შეეხება საქართველოს ევროინტეგრაციის პროცესს და ამ გზაზე მიღწეულ წარმატებას", - წერია სამინისტროს მიერ გავრცელებულ განცხადებაში.
