"ახალი" გაფართოებისთვის ემზადება. პოლიტიკური პლატფორმა რომელზეც ბოლო ორი თვის განმავლობაში ყველა საუბრობდა და რომელიც ოფიციალურად მხოლოდ გუშინ გაფორმდა, უკვე მზად არის თანამშრომლობისთვის. გვარამია-მელიას ტანდემი ადასტურებს, რომ კონსულტაციები დიდი ხანია მიმდინარეობს. შესაძლო პოლიტიკური პარტნიორების წრე ბუნებრივადაა განსაზღვრული - პირველ რიგში ყველა, ვინც ოლიგარქის რეჟიმს დაუპირისპირდება, პრიორიტეტი კი, რა თქმა უნდა, ექნებათ საერთო ღირებულებების მატარებლებს. ასეთი ვითარება კიდევ უფრო აღიზიანებს "ქართულ ოცნებას". მმართველი პარტია სულ უფრო და უფრო ზრდის თავდასხმების ინტენსივობას ახალ ოპოზიციურ გაერთიანებაზე.
