რუსეთში, მაგადანის ოლქში Mi-8 ვერტმფრენი ჩამოვარდა. "ინტერფაქსი" საგანგებო სიტუაციების სამსახურზე დაყრდნობით წერს, რომ მას ერთ-ერთი მაღაროდან მუშები გადაჰყავდა.
"ორი ადამიანი დაიღუპა, დანარჩენების ბედი უცნობია" - აცხადებენ უწყებაში.
სატრანსპორტო პროკურატურა აცხადებს, რომ ბორტზე 20 ადამიანი იყო, მათ შორის ეკიპაჟის სამი წევრი. სამძებრო-სამაშველო ჯგუფის ხელმძღვანელმა განაცხადა, რომ დაღუპულია 1 ადამიანი, ორი კი დაშავდა.
უწყების წინასწარი შეფასებით, მომხდარის მიზეზი ძრავის გაუმართაობა გახდა.
ადგილზე სამაშველო სამუშაოები მიმდინარეობს.
