საუკუნის პროექტი, რომლის განხორციელებაც "ქართულმა ოცნებამ" გააჩერა. ანაკლიის პორტის მშენებლობა ისევ ვერ იწყება. მიუხედავად იმისა, რომ ხელისუფლებამ, რომელმაც იძულების წესით გამოაძევა პროექტიდან მისი ავტორები, შემდეგ განაცხადა, რომ თავად ააშენებდა პორტს, პროექტს მაინც ვერ იწყებს. მთავარი პრობლემა კი ამ ისტორიაში ინვესტორების არარსებობაა. მშენებლობაში, რომელშიც სახელმწიფო უხეშად ჩაერია, თანხის ინვესტირებისგან ყველა თავს იკავებს და ღარიბაშვილის დაპირების მიუხედავად, ქვეყნისთვის სტრატეგიული მნიშვნელობის პროექტის მომავალი ისევ ბუნდოვანია.
