ნატოს გენერალური მდივანი საქართველოში 18 მარტს ჩამოვა - ინფორმაციას და იენს სტოლტენბერგის ვიზიტის განრიგს ჩრდილოატლანტიკური ორგანიზაცია ავრცელებს.
17-19 მარტს სტოლტენბერგი ეწვევა სომხეთს, აზერბაიჯანსა და საქართველოს.
17 მარტს სტოლტენბერგი ბაქოში, პრეზიდენტ ალიევს შეხვდება, ხოლო 18-ში თბილისში გამოემგზავრება. დაგეგმილია შეხვედრები პრემიერ კობახიძესთან და პრეზიდენტ ზურაბიშვილთან. პრემიერთან შეხვედრის შემდეგ კი მედიისთვის ერთობლივი განცხადებებიც გაკეთდება.
19 მარტს სტოლტენბერგი ერევანში გაემგზავრება.
სტოლტენბერგის მოსალოდნელი ვიზიტის შესახებ ინფორმაცია გუშინ გახდა ცნობილი.
