ახმეტის მუნიციპალიტეტის სოფელ ზემო ალვანში, ქმრის მიერ დაჭრილი ქალის მდგომარეობა სტაბილურია. ოპერაციის ჩატარების შემდეგ, ის ამ დრომდე საავადმყოფოში იმყოფება.
რაც შეეხება მომხდარს, ადგილობრივების ინფორმაციით, ცოლ-ქმარს შორის კონფლიქტი ჯერ ფიზიკური დაპირისპირებით დაიწყო და დაჭრით დასრულდა. როგორც მეზობლები ამბობენ, კაცმა 35 წლამდე ქალს დაზიანებები ჯერ შეშით მიაყენა, შემდეგ კი დანით დაჭრა.
დაჭრილია ქალის არასრულწლოვანი ნათესავიც.
"ღამის 4 საათზე მოხდა.. მთვრალი მოვიდა თელავიდანო, ფულზე შემედავაო..შეშის ნაჭერი ჩამარტყაო.. თავიც და წარბიც გახეთქილი ჰქონია, ვინც ნახა..." - ამბობს ერთ-ერთი მეზობელი
სავარაუდო დამნაშავე პოლიციამ ცხელ კვალზე დააკავა. გამოძიება ოჯახის წევრის მიმართ განსაკუთრებული სისასტიკით ჩადენილ განზრახ მკვლელობის მცდელობის ფაქტზე საქართველოს სისხლის სამართლის კოდექსის 11 პრიმა 19-109-ე მუხლით მიმდინარეობს. დანაშაული დამტკიცების შემთხვევაში, 16-დან 20 წლამდე, ან უვადო პატიმრობას ითვალისწინებს.
იხილეთ ასევე:
- ცოლის გარდა, ახმეტაში კაცმა ქალის არასრულწლოვანი ნათესავიც დაჭრა | შსს
- ახმეტის მუნიციპალიტეტის სოფელ ზემო ალვანში ქმარმა ცოლი დაჭრა
ავტორი: ია გულიაშვილი
