ქართული ოცნების უცვლელი რეაქცია - მმართველ პარტიაში უსამართლობას უწოდებენ ბრიუსელში მიღებულ გადაწყვეტილებას. ევროპელმა ლიდერებმა სამიტის დასკვნითი დოკუმენტი გამოაქვეყნეს და საქართველოსგან კვლავ რეფორმები მოითხოვეს. მმართველ პარტიაში გაღიზიანება გამოიწვია იმ ფაქტმა, რომ უკრაინასა და მოლდოვასთან შედარებით ჩვენი პროგრესი გაცილებით მცირეა. ქართულ ოცნებაში მიაჩნიათ, რომ ქვეყანა იმსახურებს უფრო მეტ აღიარებას და ამ მოტივით ევროპელ ლიდერებზე თავდასხმებს არ ერიდებიან. კომენტარები დღეს იმდენად მწვავე იყო, რომ ევროკავშირის ელჩი იძულებულიც კი გახდა კიდევ ერთხელ განემარტა ყველასთვის თუ რას ითხოვს ბრიუსელი.
