
უკრაინის საჰაერო ძალები აცხადებენ, რომ გასულ ღამეს რუსების მიერ გაშვებული 18 რაკეტა და 25 "შაჰიდის" ტიპის დრონი ჩამოაგდეს.
"საბრძოლო მოქმედებების შედეგად გავანადგურეთ 18 საკრუიზო რაკეტა და 25 "შაჰიდის" ტიპის უპილოტო საფრენი აპარატი. დრონები დნეპროპეტროვსკის, ხერსონის, ნიკოლაევის, ოდესის, სუმის, კიევის, ვოლინისა და ლვოვის რეგიონებში ჩამოვაგდეთ," - ნათქვამია განცხადებაში.