2023 წელს სახელმწიფო უწყებებმა მივლინებებში 72.5 მლნ ლარი დახარჯეს | წინა წელთან შედარებით 22.1 მლნ ლარით მეტი
გამოქვეყნდა:
აუდიტის სამსახურის ცნობით, 2023 წელს სახელმწიფო უწყებებმა მივლინებებში 72.5 მლნ ლარი დახარჯეს. ეს 22.1 მლნ ლარით მეტია, გასული წლის ანალოგიური პერიოდის ხარჯებზე. გასულ წელს ჯამურად მივლინებებზე - 50.4 მლნ ლარი დაიხარჯა.
სამინისტროებს შორის, 2023 წელს, მივლინებაში ყველაზე მეტი თანხა, თავდაცვის სამინისტრომ დახარჯა.
იხილეთ სამინისტროების მიერ 2023 წელს მივლინებებში დახარჯული თანხა:
- თავდაცვის სამინისტრო – 9.4 მლნ ლარი
- იუსტიციის სამინისტრო – 8.8 მლნ ლარი
- შინაგან საქმეთა სამინისტრო – 7.9 მლნ ლარი
- გარემოს დაცვისა და სოფლის მეურნეობის სამინისტრო – 7.3 მლნ ლარი
- მთავრობის ადმინისტრაცია – 5 მლნ ლარი
- საგარეო საქმეთა სამინისტრო – 4.7 მლნ ლარი
- განათლების, მეცნიერების სამინისტრო – 4.4. მლნ ლარი
- კულტურის, სპორტისა და ახალგაზრდობის სამინისტრო – 4.4 მლნ ლარი
- ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო – 4.1 მლნ ლარი
- ეკონომიკისა და მდგრადი განვითარების სამინისტრო – 3.7 მლნ ლარი
- ფინანსთა სამინისტრო – 1.9 მლნ ლარი
- რეგიონალური განვითარებისა და ინფრასტრუქტურის სამინისტრო 544 667 ლარი
- შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი – 62 679 ლარი.
გარდა ამისა, 2023 წელს, პარლამენტმა და მასთან არსებულმა ორგანიზაციებმა მივლინებებში 35.6 მლნ ლარი დახარჯეს, მთავრობის ადმინისტრაციამ - 5 მლნ. ლარი, პრეზიდენტის ადმინისტრაციამ - 919 820 ლარი.
რაც შეეხება სასამართლოებს - საკონსტიტუციო სასამართლომ მივლინებებში გასულ წელს 59 415 ლარი დახარჯა, უზენაესმა - 54 157 ლარი, ხოლო საერთო სასამართლოებმა - 224 777 ლარი. იუსტიციის უმაღლესმა საბჭომ - 15 573 ლარი.
1.8 მლნ. ლარი დახარჯა მივლინებებში საზოგადოებრივმა მაუწყებელმა.
