უკრაინის გენერალური შტაბის ინფორმაციით, ბოლო 24 საათის განმავლობაში ფრონტზე 61 საბრძოლო შეტაკება მოხდა - მტერმა 38 სარაკეტო და 59 საჰაერო დარტყმა განახორციელა, ხოლო უკრაინის თავდაცვის ძალების საჰაერო ძალებმა დაარტყეს 1 სამეთაურო პუნქტს, 1 საზენიტო-სარაკეტო კომპლექსს და 10 ადგილს, სადაც კონცენტრირებული იყო მტრის პირადი შემადგენლობა, იარაღი და სამხედრო ტექნიკა.
დღეს, 29 მარტს რუსეთმა ოდესაზე მორიგი მასიური შეტევა მიიტანა, რომლის შედეგადაც დაშავდა 5 ადამიანი, მათ შორის, ბავშვებიც. დაზიანდა ინფრასტრუქტურა და სამოქალაქო ობიექტები.