უკრაინის საჰაერო ძალები აცხადებენ, რომ გასულ ღამეს რუსი ოკუპანტების მიერ გაშვებული 12 "შაჰიდის" ტიპის დრონიდან 9 ჩამოაგდეს.
"[ოკუპანტებმა] სულ 12 "შაჰიდის" ტიპის უპილოტო საფრენი აპარატი გაუშვეს. მათგან 9 გაანადგურა უკრაინის თავდაცვის ძალების მობილურმა სახანძრო ჯგუფებმა ხერსონის, ოდესის, დნეპროპეტროვსკისა და პოლტავას ოლქებში," - ნათქვამია განცხადებაში.
უწყება ასევე ამბობს, რომ ღამით მტერმა 4 S-300/S-400 ტიპის რაკეტებით დაარტყა დონეცკის ოლქს. მსხვერპლის ანდა დაშავებულების შესახებ ინფორმაცია ჯერჯერობით არ ვრცელდება.
