სანქტ-პეტერბურგში 400-ზე მეტი მიგრანტის დეპორტაციის გადაწყვეტილება მიიღეს. რუსეთის ხელისუფლების მტკიცებით, მათ მიგრაციასთან დაკავშირებული კანონმდებლობა დაარღვიეს.
მთელი კვირის განმავლობაში სამართალდამცველები ე.წ. რეიდებს აწყობდნენ. არსებული ინფორმაციით, 5 დღის განმავლობაში სასამართლოებში, 600-მდე პირის საქმე შევიდა.
418 პირთან დაკავშირებით, ჯარიმის დაწესებასთან ერთად, მიღებულია დეპორტაციის გადაწყვეტილებაც. ამასთან, კიდევ 50 უცხოელს ქვეყნის დამოუკიდებლად დატოვება დაევალა.
