კოვიდთან დაკავშირებული 600-მილიონიანი თაღლითობის საქმეზე EU-ს პოლიციამ 20-ზე მეტი პირი დააკავა
გამოქვეყნდა:
იტალიაში, ავსტრიაში, რუმინეთსა და სლოვაკეთში ევროკავშირის პოსტ-პანდემიური აღდგენის ფონდის თაღლითურ საქმესთან დაკავშირებული 20-ზე მეტი ეჭვმიტანილი დააკავეს.
მედიის ცნობით, ევროკავშირის პროკურორების მოთხოვნით, თაღლითობისა და ფინანსური პოლიციის განყოფილების 150 ოფიცერმა რვა ადამიანი დააკავა, 14-ს კი შინაპატიმრობა მიუსაჯა. მასობრივი რეიდის დროს მათ 600 მილიონი ევროს ღირებულების ძვირფასი ნივთები და ავტომობილები ამოიღეს. ასევე, გაყინეს აქტივები, მათ შორის ბინები და ვილები, კრიპტოვალუტა, "როლექსის" საათები, ოქრო და სამკაულები.
პოლიციის განცხადებით, თაღლითობა კრიმინალური ასოციაციის მიერ განხორციელდა. მათივე ცნობით, საჯარო დაფინანსების სექტორში მუშაობის გამოცდილების მქონე კრიმინალური ჯგუფი დაეხმარა ფულადი სახსრების უზრუნველყოფას ათობით მილიონი ევროს ღირებულების პროექტებისთვის, რომლებიც გამიზნული იყო იტალიური კომპანიების კონკურენტუნარიანობისა და გაციფრულების გასაუმჯობესებლად.
ფინანსურმა პოლიციამ აღადგინა საეჭვო ტრანზაქციები და გამოავლინა "უზარმაზარი უკანონო მოგების გათეთრება, რომელიც განხორციელდა ფიქტიური კომპანიების რთული ქსელის მეშვეობით, რომელიც ჭკვიანურად შეიქმნა იტალიაში, ავსტრიაში, სლოვაკეთსა და რუმინეთში."
